Çmimet e reja të karburanteve, rritet me 10 lekë nafta, me 20 lekë benzina

Ekonomi | 4 vite më parë

Bordi i Transparencës ka vendosur çmimet e reja të tregtimit të karburanteve në vend. Një litër naftë është shtrenjtuar me  10 lekë dhe do te tregtohet me 239 lekë/ litri. Benzina ka pësuar rritje më të madhe me 20 lekë duke u tregtuar në pikat e pakicës me 237 lekë/litri. Bordi ka vendosur që çmimi i gazit të mbetet i pandryshuar 90 lekë/litri. Këto çmime do të hyjnë në fuqi pasditen e 27 Majit, si dhe do të jenë të vlefshme deri në mbledhjen e ardhshme të bordit, ku do të pasqyrohen ndryshimet e çmimeve të shitjes.

Bordi tërheq vëmendjen e çdo operatori të shitjes me shumicë dhe pakicë të nënprodukteve të naftës, mbi detyrimin e zbatimit të këtëj vendimi. Në rast të shkeljeve të konstatuara nga operatorë të ndryshëm, do të vendoset pezullimi i aktivitetit.

/rtsh.al/


Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.

Të ngjashme