Panairi “Shijo produktet lokale”, pikëtakim i fermerëve me konsumatorin

Produkteve vendase dhe agroturizmi po zënë gjithnjë e më shumë vend të veçantë në ekonomi. Shumë biznese të vogla nga fshatrat e vendit, që i janë kushtuar më së shumti zhvillimit të agroturizmit me bazë produktet bio të zonave periferike, ekspozuan sot produktet e tyre në panairin “Shijo produktet lokale” në sheshin “Skënderbej”. Panairi që do të qëndrojë i hapur përgjatë tre ditëve organizohet nga Bashkia Tiranë dhe Dhoma e Tregtisë dhe Industrisë Tiranë. Panairi është konceptuar si një pikëtakim mes prodhuesve agroushqimorë, dhe jo vetëm, si edhe konsumatorëve, me qëllim promovimin e kompanive që operojnë në trevat Shqiptare. Në këtë panair janë pjesëmarrës rreth 200 fermerë. Përveç produkteve ushqimore në këtë panair janë ekspozuar edhe veshje popullore.
Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.
Komentet 0
Ende nuk ka komente. Bëhuni i pari që komenton.




