Vaksinimi i blegtorisë, falas në të gjitha fermat

Reforma në shërbimin veterinar shqiptar synon forcimin e kontrollit dhe garantimin e sigurisë ushqimore në tregjet e vendet për sektorin blegtoral.
Ministria e Bujqësisë dhe Zhvillimit Rural, bën të ditur se në kuadër të sigurisë ushqimore garanton matrikullimin dhe vaksinimin falas të të gjitha kafshëve bujqësore, në shkallë vendi, duke ulur kështu në 0 koston e fermerëve në fermat blegtorale dhe siguruar mish dhe qumësht konform standardeve ushqimore.
Në funksion të rritjes së shërbimit veterinar sipas standardeve më të mira, muajin tjetër (janar 2021) nisë punësimi i 400 veterinerëve të rinj me shtrirje në të gjithë vendin, me qëllim forcimin e kontrollit në fermat blegtorale.
Gjithashtu gjatë vitit 2021, me mbështet e buxhetit të shtuar financiar synohet të forcohen kapacitetet inspektuese, falë investimeve të qeverisë me flotën përkatëse dhe akredimin e laboratorëve të kontrollit që parashikohet të rrisin me 20 % numrin e analizave duke e rritur në 60 mijë numrin e analizave në laboratorët rajonalë të sigurisë ushqimore.
Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.
Komentet 0
Ende nuk ka komente. Bëhuni i pari që komenton.




