Aksident në aksin Shkodër-Koplik, përplasen dy makina, 6 të plagosur, një në gjendje të rëndë

Aktualitet | 1 minutë më parë

Gjashtë persona kanë mbetur të plagosur si pasojë e një aksidenti rrugor të ndodhur mëngjesin e kësaj të mërkure në aksin Shkodër-Koplik, ku janë përplasur dy automjete tip “Mercedes-Benz”.

Aksidenti ndodhi rreth orës 09:30, ndërsa përplasja ka qenë e fortë duke sjellë një bilanc të rëndë. BMësohet se të plagosurit janë transportuar në Spitalin Rajonal të Shkodrës, ku po marrin ndihmë mjekësore.

Sipas informacionit paraprak të policisë, një prej të plagosurve, 33 vjeç, ndodhet në gjendje të rëndë, ndërsa pesë personat e tjerë janë jashtë rrezikut për jetën.

Grupi hetimor po punon për të zbardhur shkaqet dhe rrethanat e aksidentit.


Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.

Të ngjashme