INSTAT/ Italia, partner kryesor tregtar me 46 % të eksporteve shqiptare

Ekonomi | 6 vite më parë

Në nëntëmujorin e 2020-s eksportet e mallrave arritën vlerën 195 miliardë lekë, ndërsa INSTAT bën të ditur se partneri kryesor tregtar për këtë periudhë është Italia, drejt së cilës shkuan gati 46% e eksporteve.

Referuar INSTAT, eksportet drejt Italisë në vlerë llogariten 89.2 miliardë lekë. Pjesën më të madhe të eksporteve drejt Italisë e zë rupi “tekstile dhe këpucë”. Gjatë 9-mujorit, eksporti i këtij grupi llogaritet gati 57 miliardë lekë.

Eksportet e grupit “materiale ndërtimi dhe metale” drejt vendit fqinj llogariten 8.7 miliardë lekë, ndërsa eksporti i grupit “makineri, pajisje dhe pjesë këmbimi” llogaritet 7.4 miliardë lekë.

Por, Shqipëria eksportoi drejt Italisë edhe ushqime, që në vlerë për periudhën janar-shtator llogariten mbi 6 miliardë lekë.

h.b/dita

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.