FEST 62 renditet i 18-ti në X, Britania e Madhe interes të lartë për natën e parë të Festivalit

Kulturë | 3 vite më parë

Nata e parë e Festivalit të këngës ka patur shikueshmëri dhe ecuri të kënaqshme edhe në rrjetet sociale.

Sipas kërkimeve në platformën IKS, hashtagu#fik62 (fest62) në Britaninë e Madhe ka ngjallur një interes të lartë. Të dhënat tregojnë për një renditje në vendin e 18 dhe të 24, duke lënë pas emra të njohur ndërkombëtar.

Gjithë netët e Festivalit, do të gjejnë një pasqyrim të gjerë dhe profesional jo vetëm në platformën IKS por edhe në rrjetet e tjera sociale për ta bërë këtë ngjarje të rëndësishme muzikore më të aksesueshme nga të gjithë shqiptarët kudo që jetojnë.

Nata e parë ngjiti në skenë 16 këngëtarë, përkatësisht: Stivi Ushe; Besa Kokëdhima; Mal Retkoceri; Eldis Arrnjeti; Shpat Deda; Jehona Ponari; Peter Pan Quartet; Festina Mejzini; Kastro Zizo; Luan Durmishi; Melodajn Mancaku; Olsi Ballta; Andi Tanko; Sergio Hajdini; Santino De Bartolo; Olimpia Smajlaj.

Sot, në natën e dytë të Festivalit, premtohen emocione dhe surpriza të reja. Një spektakël për të mos u humbur.

Festivali i 62 i Këngës në Radio Televizionin Shqiptar do të arrijë tek çdo shqiptar kudo në botë. Katër netët e festivalit do të transmetohen drejtpërdrejt në RTSH-1, Radio Tirana 1 dhe RTSH muzikë.

Gazetare: Amela Koçerri

/rtsh/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.