Fondi Albano-Balkanologjik i Bibliotekës Shkencore të Universitetit “Luigj Gurakuqi” mund të konsiderohet si një nga thesaret e çmuara të saj. Hershmëria e fondit të librave të rrallë nis që me “Historinë e jetës dhe bëmave të Skënderbeut” e viteve 1508-1510 nga Marin Barleti. Kjo ka rritur interesin e studentëve për anëtarësime në këtë bibliotekë.

“Studentët e universitetit sidomos ato të viteve të para janë më të interesuar të vijnë të prezantohen të njihen me fondet e bibliotekës mund të themi se numri ka shkuar deri në 35 regjistrime në bibiotekë”, tha Alketa Bekteshi, drejtoreshë e Bibliotekës UNISHK.

Biblioteka Shkencore ka bërë progres edhe sa i përket digjitalizimit të fondit të rrallë të librave.

“Procesi i digjitalizimit në një epokë që më shumë po shkon tek teknologjia dhe kjo përthithet më shumë tek brezi i ri është aktualisht edhe në bibliotekë një proces i cili po ndodh dhe do të vazhdoj. Aktualisht kemi 35 libra të cilët përbëjnë fondin e librit të rrallë të cilat janë të digjitalizuara dhe mund të gjenden tek faqja jonë e bibliotekës”, tha Alketa Bekteshi.

Veç fondit të rrallë, Biblioteka Shkencore ka shtuar fondin e librave duke e pasuruar atë me tituj të rinj. Kjo ka ardhur si rezultat i akt dhurimeve të bëra nga institucione, autorë, studiues dhe dashamirës të librit.

/RTSH/