Rama e nis ditën me lajmin e mirë për zjarrfikësit. Ja sa punonjës përfitojnë nga shpërblimi i fundvitit

Politikë | 3 vite më parë

Kryeministri Edi Rama ka uruar mirëmëngjesi në ‘Facebook’ me disa imazhe nga punonjësit e shërbimit zjarrfikës si dhe lajmin e mirë për shpërblimin për festat e fundvitit që ata do të përfitojnë.

“MIRËMËNGJES! Dhe me lajmin e mirë se këtë fundvit do të japim një pagë shtesë si shpërblim të veçantë për 586 punonjësit e shërbimit zjarrfikës, si dhe dy paga shtesë për 38 efektivët e Forcave të Armatosura të angazhuar në misionin e ndihmës po për zjarret në shtetin fqinj të Greqisë, ju uroj një ditë të bukur”, shkruan Kryeministri Rama në faqen e tij në Facebook.

Kujtojmë se, qeveria miratoi ditën e djeshme (20 dhjetor) vendimin për të shpërblyer me një pagë mujore punonjësit e shërbimit zjarrfikës, ndërsa ata që janë angazhuar në përballimin e situatës së zjarreve në verë do të kenë shpërblim dy paga shtesë.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.