Deputeti i Partisë Pëllumbi  duke analizuar situatën e tensionuar ditët e fundit në Kuvendin e Shqipërisë  u shpreh se e gjithë kjo nis nga një “non-grata”, që e ka përshkallëzuar  situatën.

I ftuar në emisionin “Ekspres” në RTSH, Pëllumbi u shpreh se i gjithë aksioni politik i PD gjithë këtë kohë ka qenë, bojkot, djegie mandatesh dhe dhunë ndaj institucioneve.

“ Establishmenti kryesor i PD-së, në gjithë këtë periudhë ka një qasje jo të mirë me institucionet,  dhunon, djeg mandatet  dhe bojkoton”.

Sipas z. Pëllumbi është kjo situatë e tensionuar politike  brenda PD-së, dhe ku tentojnë ta sjellin në Parlament këtë frymë që të bllokojnë funksionin e tij. Por sipas tij, kjo mazhorancë nuk do të lejojë asnjëherë që kjo situatë të pamundësojë punën e Institucioneve.

“Pavarësisht aksionit politik nga opozita, pavarësisht mosdakordësive politike që ka me mazhorancën, nuk duhet të bllokohet funksionimi i  Kuvendit të Shqipërisë. Sigurisht që mazhoranca nuk do ta lejojë këtë gjë. Do funksionojë normalisht punimet e kuvendit”, u shpreh Pëllumbi.

Ndër të tjera ai tha që këto probleme të pazgjedhura mes Bashës dhe Berishës nuk mund të zgjidhen nga rregullorja e Parlamentit.

“Gjithë problemet e sotme që ka Partia Demokratike,z.Berisha dhe z. Basha, kongrese, konventa, duan që ti sjellin këto në Kuvend, dhe mazhoranca akuzohet sot nga dyja palët se nuk dëshiron të bëhet pjesë e saj.  Rregullorja e Kuvendit të Shqipërisë , Kryetarja e Kuvendit, nuk mund ti zgjidhi dot hallet e kësaj force politike”, u shpreh ai.

Më tej z. Pëllumbi ka shpjeguar dhe pretendimet që kanë sot deputetët e  Rithemelimit , që sipas tij problemi që ka PD-ja me mosnjohjen e njëri-tjetrit e bënë të pamundur që të jepet zgjidhe nga Kuvendi.

“Lufta e brendshme politike që ka PD ka ndikuar dhe në mënyrën sesi ata po bëjnë politik. Njëri grup sillte kërkesë për interpelancë , grupi tjetër sjell kërkesë për mocion me debat, dhe grupi tjetër sillte kërkesë për komision hetimor.  Pra gjitha luftërat e brendshme nuk zgjidhen nga rregullorja parlamentare”, nënvizoi deputeti Pëllumbi.

Duke shpjeguar pretendimet e deputetëve që mbështet ish-Kryeministrin Berisha, Pëllumbi u shpreh se, “komisionet hetimore janë pak më te komplikuar ; së pari ka një ligj të veçantë si ngrihet një komision, dhe së dyti kemi 6 vendime të Gjykatës Kushtetuese e cila e normon procedurën si ngrihen komisionet.  Komisionet hetimore të propozuara nga PD i mbivendosen punës së një institucioni tjetër ose objekti i hetimit është shumë i gjerë,  5 çështje bashkë, 7 çështje bashkë.  Problemi që ka në këtë rast është që PD nuk ka qëllim të hetoj por të bëjë propagandën.

/rtsh.al/