Në emisionin ‘3D’ në RTSH, analisti Platon Nesturi, duke komentuar sjelljen e fundit të kreut të Rithemelimit të PD, Sali Berisha, tha se do të ishte një gabim që interpretimi i Kushtetutës të bëhej në rrugë mediatike apo politike.

Gjatë debatit në studio ai ka komentuar se deklaratat se gjykata dhe Rama i tremben Komisionit të Mandateve nuk është e saktë.

“Nëse dëshironi të barazoni faktin që Rama është gjykata dhe gjykata është Rama, kjo qëndron si logjikë politike, por nuk di nëse rri në aspektin juridik. Ky është një element i cili edhe mediatikisht është folur edhe në debate të ndryshme. Nuk mund të hyjë në interpretime, lidhur me bllokimin e pasaportës. Besoj se mazhoranca e shmang këtë debat. Nuk ka ende një shkresë për të diskutuar. Çdo hapje e një procesi gjyq me emër mbiemër është element që goditet opozita”, deklaroi Nesturi.  

Sipas tij, as kreu i PL-së, Ilir Meta, nuk është në Shqipëri. “Natyrisht që nuk është në Shqipëri”, këmbënguli ai kur u pyet nga të pranishmit, por pa dhënë hollësi.

“Që zoti Meta nuk ndodhet në Shqipëri ky është një fakt i njohur kështu që nga facebook-u do ta bëjë opozitarizmin”, tha Platon Nesturi.

/rtsh.al/