Ministri i Brendshëm, Taulant Balla i është përgjigjur akuzave të opozitës në parlament, në lidhje me qëndrimin e qeverisë për situatën në Kosovë, pas sulmit nga grupi  armatosur serb më 24 shtator.

Nga foltorja e Kuvendit, Balla e konsideroi qëndrimin e Shqipërisë si “të vetmin të duhur”, ndërsa akuzat i cilësoi si përpjekje politike për ta përdorur situatën kundër kryeministrit Edi Rama.

“Qëndrimi zyrtar i Shqipërisë përmes kryeministrit, është qëndrimi i vetëm i duhur që duhet dhe mund të mbajë Shqipëria. Në këtë sallë, nga inati i politikës së ditës, po rreken ta përdorin situatën ere të krijuar më 24 shtator para dhe pas, si një instrument për të goditur kryeministrin e Shqipërisë. U pa sot edh enë fjalën e shumicës së folësve në emër të opozitës. A thua këtyre u djeg barku për Kosovën e vatanin. Ka këtu që e kanë dëmtuar Kosovën sa herë i është dhënë mundësia Që patriotizmin e përdorin si maskë. Shqipëria e përfaqësuar nga qeveria e Edi Ramës ka qenë dhe do të jetë gjithmonë në krah të popullit dhe Kosovës”, u shpreh Balla.

/rtsh.al/