Kryetarja e Kuvendit, Lindita Nikolla, ka shprehur ngushëllimet për njerëzit që humbën jetën nga tërmetet në Afganistan. Nikolla shprehet se mungesat në shërbimin shëndetësor dhe jetike bazë, e bëjnë më emergjente ndihmën ndaj popullit të Afganistanit në këto ditë të vështira.

“Lutem për mijëra jetët e humbura, të lënduarit, familjet që humbën njerëzit e dashur dhe shtëpitë, si pasojë e tërmetit në Afganistan. Varfëria, mungesat në shërbimin shëndetësor dhe shërbimet jetike bazë, e bëjnë më emergjente ndihmën ndaj popullit të Afganistanit”, shprehet Nikolla.

Rreth 2 000 persona kanë vdekur, pasi disa tërmete të forta tronditën Afganistanin Perëndimor. Operacionet e kërkim-shpëtimit janë duke vazhduar ndërsa Abdul Wahid Rayan, zëdhënës i Ministrisë së Informacionit dhe Kulturës në Afganistan, ka bërë thirrje për ndihmë urgjente.

/rtsh.al/