Basha përjashtoi 11 deputetë nga grupi parlamentar, Bardhi: Jo legjitim

Politikë | 3 vite më parë

Deputeti demokrat Gazment Bardhi ka reaguar mbi vendimin e kryedemokratit Lulzim Basha pëe përjashtimin e 11 deputetëve nga grupi parlamentar.

Bardhi e konsideron këtë vendim si jo legjitim, ndërsa sqaroi se ndryshimi i përbërjes mund të ndodhë vetëm me vendim të grupit parlamentar.

“Ndryshimi i përbërjes së Grupit Parlamentar mund të ndodhë vetëm me vendim të grupit parlamentar. Merreni me të qeshur dhe boll harxhuar rreshtat me çfarë bën Lulzim Basha. Ai nuk ka as legjitimitetin dhe as forcën për të përjashtuar dikë nga grupi parlamentar i PD-së”, tha Bardhi.

Lulzim Basha përjashtoi sot nga grupi parlamentar demokrat Greta Bardelin, Ina Zhupën, Isuf Çelën dhe Asllan Dogjanin, Edi Palokën, Kastriot Pirolin, Lindita Metaliajn, Ludovik Hasanajn, Bujar Leskajn, Sorina Koti dhe Tomor Alizotin.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.