Politika shqiptare ka reaguar me mesazhe ngushëllimi për ndarjen nga jeta të ish-president italian, Xhorxho Napolitano ( Giorgio Napolitano ).

Në një postim në rrjetin social “X”, presidenti shqiptar Bajram Begaj i shpreh ngushëllimet më të thella familjes së Presidentit  
Napolitano , miqve të tij dhe gjithë popullit italian.

“Shqiptarët do ta kujtojnë gjithmonë për mbështetjen e tij të për rrugën e Shqipërisë drejt Bashkimit Evropian”, shprehet Begaj.

Edhe kryeparlamentarja Lindita Nikolla ka shprehur ngushëllimet për ndarjen nga jeta të ish- Presidentit të Italisë.

Nikolla thekson se “në jetën e tij të gjatë politike, si parlamentar, ministër, Kryetar i Dhomës së Deputetëve dhe President i Republikës së 
Italisë, Xhorxhio Napolitano i shërbeu me përkushtim jo vetëm vendit të tij, por edhe aspiratave evropiane”.

Sipas saj, Napolitano ishte një mik i madh i Shqipërisë dhe i perspektivës sonë evropiane.

“ E tij është shprehja e njohur gjatë fjalës së mbajtur në Kuvend në mars 2014 se Italia do të jetë avokatja e Shqipërisë për anëtarësimin në 
Bashkimin Evropian. Pushofsh në paqe, President!”, shkruan në mesazhin e ngushëllimit kryeparlamentarja Nikolla.

/ rtsh /