VIDEO/ RTSH raporton nga Nju-Jorku: Shqipëria drejton Këshillin e Sigurimit

Politikë | 3 vite më parë

Nju-Jorku është nën pushtetin e forcave të sigurisë amerikane, në çelje të javës së Asamblesë së Përgjithshme të OKB-së.

Mijëra forca policie dhe të shërbimit sekret amerikan kanë blinduar pjesën më të madhe përgjatë selisë së organizatës, raporton gazetarja e RTSH-së, Denada Shkodrani.

Liderët tashmë nisin takimet e tyre zyrtare, duke u fokusuar në çështjet e sigurisë dhe klimës.

Shqipëria është nismëtare e ngritjes së një mekanizmi të ri pranë OKB-së, që lehtëson angazhimin e drejtpërdrejtë të biznesit privat, në raste krizash humanitare apo fatkeqësive natyrore.

Asambleja e Përgjithshme e OKB-së është ngjarje e rëndësishme botërore, ndaj protestat janë të shumta. Të ngjeshura janë edhe agjendat e takimeve dypalëshe që krerët e shteteve zhvillojnë në javën e politikës botërore.

/rtsh/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.