Partia Demokratike zyrtare ka vendosur të mos nxjerrë kandidat në zgjedhjet bashkiake që do të mbahen në Kukës më 24 shtator. 

Ka qenë dega e PD-së në Kukës, e cila përmes një njoftimi zyrtar ka bërë me dije se vendimi u mor pas diskutimeve dhe konsultimeve me strukturat drejtuese të partisë.

Në njoftimin e saj, dega e PD-së në Kukës sqaroi se shkak për mosnxjerrjen e një kandidati ishte koha e pamjaftueshme për të riorganizuar degën për zgjedhjet dhe pasojat e frymës së konfliktit të ndezur mes demokratëve. 

Gjithashtu në reagimin  e saj, Partia Demokratike zyrtare ka gjykuar se është koha që të fokusohet te ringritja e partisë, pasi sipas saj interesi i demokratëve dhe i të gjithë qytetarëve të Kukësit që duan ndryshim është rrëzimi i qeverisë. 

PD-ja zyrtare kishte kohë deri më 8 shtator në darkë për të vendosur nëse do të nxirrte kandidat apo jo, por që mesa duket mori vendimin për të mos hyrë në garë. 

Gazetare Jonila Sakajeva

/ rtsh /