Kandidati i Partisë Demokratike për Bashkinë e Tiranës, Roland Bejko në një takim me banorët e njësisë 5, ka premtuar shtimin e parkingjeve publike dhe parqe të reja në çdo lagje.

Teksa bëri me dije programin elektoral, Bejko është njohur nga qytetarët dhe me problematikat e kryeqytetit.

“Njësia 5 në Tiranë është ndër më të populluarat, por gjithashtu mbart shumë probleme, që lidhen me mungesën e  hapësirave publike, mungesën e parkimit dhe taksat.  Në një takim që mbajta me banorë të kësaj zone, u njoha me problemin e madh të mungesës së hapësirave publike, dhe problemi akut i parkingjeve. Banorët denoncuan Bashkinë Tiranë, se po rrëmben edhe pjesë nga Parku i Liqenit, duke ua bërë më të vështirë jetesën dhe uzurpuar hapësirat publike për ndërtime nga oligarkët.

Ju premtova se vota e tyre sjell ndryshim! Duke filluar nga parkimet dhe hapësirat e gjelbërta, ekipi jonë ka hartuar një program që do të shtojë ndjeshëm parkingjet publike në mandatin e parë dhe ndërtojë një park të ri, në çdo lagje, si një domosdoshmëri për një qytet të pastër dhe me #frymëmarrje për Tiranën”, shkruan Bejko në rrjetin social Facebook.

/rtsh.al/