Alibeaj nga Fieri: Berisha hallin e tij ia faturoi demokratëve

Politikë | 4 vite më parë

Kryetari i Komanduar i Partisë Demokatrike Enkelejd Alibeaj prezantoi sot në Fier kandidaten për Kryetare Bashkie, Eriselda Zotaj Çelaj.

Në fjalimin e tij, Alibeaj tha se “ Berisha zgjodhi që hallin e tij personal ta bëjë të Partisë Demokratike dhe t’ia faturojë demokratëve. Berisha në koordinim të thellë me Ramën, organizoi procesin e njëanshëm të primareve duke manipuluar demokratët”.

Kryetari i komanduar i PD-së vazhdoi duke thënë se “ Negociatat Bardhi-Paloka dështuan sepse Berisha nuk pranoi asgjë, sepse kërkonte jo bashkim po imponim. Partia Demokratike gjendet prej një viti e gjysmë, nën një sulm të pareshtur nga ish-lideri i saj historik Sali Berisha”.

Enkelejd Alibeaj tha për kandidaten për Kryetare Bashkie në Fier se “ Eriselda Çelaj është një fierake dhe një demokrate 24 karatëshe, kur kombinohen këto të dyja, Fieri mund të shohë larg” mbylli fjalimin Alibeaj.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.