KAS vendosi emrin e Metës krah koalicionit në fletë e votimit, “Bashkë Fitojmë” bën ankimim në Kolegjin Zgjedhor

Politikë | 4 vite më parë

Koalicioni “Bashkë Fitojmë” ka çuar në Kolegjin Zgjedhor vendimin e KAS në lidhje me vendosjen e emrit të kreut të Partisë së Lirisë, Ilir Meta në fletën e votimit, si drejtues i koalicionit.

Përfaqësuesit e koalicionit kanë depozituar këtë të enjte (20 prill) në gjykatën zgjedhore kërkesë padinë, ku kërkojnë që të vendoset emri i Sali Berishën si drejtues i koalicionit dhe jo i Metës.

KAS vendosi të mërkurën (19 prill) si drejtues të koalicionit Metën, duke refuzuar kërkesën e tyre për vendosjen e emrit ët Berishës. Po ashtu, KAS rrëzoi edhe kërkesën e koalicionit “Bashkë Fitojmë” për të hequr logot e partive apo koalicioneve nga përmbajtja e fletës së votimit.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.