Presidenti i Republikës, Bajram Begaj ka pritur në takim Sekretarin e Selisë së Shenjtë për Marrëdhëniet me Shtetet dhe Organizatat Ndërkombëtare, Arqipeshkvin Paul Richard Gallagher, i cili ndodhet për një vizitë në vendin tonë.

Begaj vlerësoi kontributin e jashtëzakonshëm që ka luajtur dhe luan Selia e Shenjtë për paqen dhe stabilitetin e rajonit të Ballkanit Perëndimor dhe në këtë kontekst ritheksoi kërkesën për njohjen nga ana e Shtetit të Vatikanit të Shtetit të Kosovës.

“Njohja e Shtetit të Kosovës do shërbente si një mbështetje shumë e madhe për shtetin më të ri në Evropë. Është e rëndësishme njohja nga të gjithë aktorët e rëndësishëm për Kosovën dhe qytetarët e saj, si dhe të dialogut mes Kosovës dhe Serbisë të lehtësuar nga Bashkimi Evropian dhe mbështetur nga Shtetet e Bashkuara të Amerikës”, tha Begaj.

Gjatë takimit ku konfirmuan marrëdhëniet e shkëlqyera midis Shqipërisë dhe Vatikanit, por edhe ato shpirtërore midis komunitetit katolik shqiptar dhe Selisë së Shenjtë.

Presidenti Begaj dhe Imzot Paul Richard Gallagher u ndalën dhe tek ndikimi në rajonin e Ballkanit Perëndimor i agresionit ushtarak rus në Ukrainë dhe ndërgjegjësimin për rëndësinë që ky rajon ka për stabilitetin e kontinentit Evropian, por jo vetëm.

/rtsh.al/