PD e PS prezantojnë nismat për pastërtinë e figurës, Alibeaj: Hapja e dosjeve të mos kthehet në luftë politike

Politikë | 4 vite më parë

PD e PS kanë prezantuar në Komisionin e ligjeve nismat e tyre përkatëse për ligjet që lidhen me garantimin e pastërtisë së figurës për personat me funksione zyrtare e publike.

Deputetja, Ermonela Felaj duke prezantuar dy nisma të socialistëve tha se mbështesin ligjin për autoritetin e dosjeve duke mos lejuar personat që kanë patur bashkëpunime me sigurimin e shtetit të jenë pjesë e jetës publike politike.

Ndërsa kreu i grupit kuvendor demokrat, Enkelejd Alibeaj tha se pas hapjes së dosjeve qytetarët duhet të njihen me atë çka ka ndodhur gjatë komunizmit, por kurrsesi hapja e dosjeve nuk duhet të përdoret për luftë politike.

Për kalimin në votim të nismave do të merret më tepër kohë pasi ato do të kalojnë edhe në seancën e pyetjeve në komisionin e ligjeve por edhe në konsultime publike.

/rtsh/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.