Kongresi i PS-së, që do të mbahet të shtunën pasdite do të vendosë shtyllat kryesore mbi të cilat do të mbështetet programi  qeverisës i mandatit të 3-të të Kryeministrit Edi Rama. Taulant Balla, kreu i grupit parlamentar, paralajmëron surpriza, por edhe një periudhë 6 mujore për një analizë të thellë të çdo strukture partie. “Nesër në Kongres do të jetë një prezantim i vizionit “Shqipëria 2030″  Do të jetë prezantim i përmbledhur i objektivave e programit tonë për mandatin qeverisës që do të jetë dhe boshti që qeveria Rama do të prezantojë në shtator në Kuvend.”Në 2013  e 2017 nuk kemi bërë një analizë të thellë për të kuptuar në cilën pjesë të organizimit strukturor të partisë nuk ka funksionuar. Procesi nis 15 qershor dhe kemi dhënë afatin e fundit 15 janar 2022 për të garantuar se në pranverën e 2022 e gjithë struktura e PS-së ti përgjigjet pritshmërisë të kryetarit Rama dhe kolegëve të tjerë në përgatitjen e zgjedhjeve vendore. Fituesit dhe humbësit e SHQUP e kanë kuptuar që nëse do të fitosh zgjedhjet e ardhshme përgatitja nis menjëherë pas zgjejdheve të radhës” nënvizoi Sekretari i Përgjithshëm i PS-së.