Ministri i Jashtëm Heiko Maas do të presë nesër homologët e tij nga gjashtë shtetet e Ballkanit Perëndimor, BE dhe Britania e Madhe si dhe Komisionerin e Zgjerimit Oliver Várhelyi në kuadrin e “Procesit të Berlinit”. Ministria e jashtme gjermane që e bën të ditur këtë, thekson rëndësinë e anëtarësimit europian të rajonit si interes i përbashkët strategjik europian.  
Takimi i ministrave të jashtëm do të përgatisë takimin vjetor të procesit të Berlinit që do të mbahet sërish pas shtatë vjetësh nën kujdesin e Gjermanisë. 
Takimi është parashikuar të diskutojë për qasjet konkrete si dhe negociatat e vazhdueshme për një lidhje më të mirë në rajon, proceset e reformave për të përmirësuar një perspektivë të BE, çështje të hapura bilaterale dhe gjithashtu në lidhje me gjendjen aktuale shëndetësore dhe ekonomike për shkak të pandemisë Covid-19.