Kroacia ka filluar tërheqjen e disa pijeve të gazuara nga tregu, pas raportimit se qytetarë të shumtë janë helmuar nga konsumimi i tyre. Lajmi për tërheqjen e këtyre pijeve të gazuara, ka marrë edhe vëmendjen e mediave ndërkombëtare siç është Associated Press dhe Politico.

Këto media kanë cituar deklaratën e ministrit kroat Vilija Berosh i cili tha se disa persona kanë kërkuar ndihmë për shkak të disa “lëndimeve të shkaktuar nga elementë të dyshuar kimikë” dhe se shumica e pacientëve kishin simptoma të lehta dhe pas trajtimit janë lejuar të shkojnë në shtëpi. Siç raporton media kroate index.hr.

Coca-Cola ka konfirmuar se ka tërhequr përkohësisht nga tregu një seri të Coca Cola Original Taste prej gjysmë litri me ambalazh plastike.

Inspektorati Shtetëror (DIRH) e ka urdhëruar Coca-Cola Kroacia për tërheqjen e përkohshme të produkteve të dyshimta për shkak se mendohet se janë të pasigurta, pasi disa persona kërkuan ndihmë mjekësore.

Gazetar A. Mata

/RTSH/