Gazmend Hoxha jep dorëheqjen nga posti i drejtorit të Policisë së Kosovës

Kosovë | 2 orë më parë

Kryeministri i Kosovës, Albin Kurti, ka pranuar dorëheqjen e drejtorit të përgjithshëm të Policisë së Kosovës, Gazmend Hoxha, duke e liruar atë nga kjo detyrë.

Sipas njoftimit të Qeverisë së Kosovës, pas propozimit të ministrit të Punëve të Brendshme, Xhelal Sveçla, kryeministri Kurti ka caktuar Fehmi Hotin në pozitën e ushtruesit të detyrës së drejtorit të përgjithshëm të Policisë së Kosovës.

Në njoftim, Qeveria ka vlerësuar kontributin dhe angazhimin e Gazmend Hoxhës gjatë kohës sa ka udhëhequr Policinë e Kosovës. Ky zhvillim vjen pas vrasjes së Arlinda Zekajt, e cila u vra më 25 tetor nga ish-kunati i saj. Arlinda Zekaj, vetëm tri ditë para se të vritej, i kishte dërguar një letër kryeprokurores së Pejës, Lumturije Vuçetaj, ku e kishte njoftuar se jeta e saj ishte në rrezik.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.