Gjykata e Bosnje-Hercegovinës dënoi kryeministrin e entitetit më të madh të Bosnjës, Federatën e Bosnjë-Hercegovinës, Fadil Novalic, me katër vjet burg për korrupsion lidhur me importin e respiratorëve me çmim të lartë në vitin 2020.

Ai akuzohet se abuzoi me prokurimin e 100 ventilatorëve me çmimin më të lartë nga Kina gjatë pandemisë duke i shkaktuar buxhetit një dëm mbi 5 milionë euro.

Drejtori i kompanisë Srebrena malina, Fikret Hodzic dhe drejtori i suspenduar i Administratës së Federatës për Mbrojtjen Civile, Fahrudin Solak, u shpallën gjithashtu fajtorë dhe u dënuan përkatësisht me pesë dhe gjashtë vjet burg.

Zëvendëskryeministrja e Federatës dhe Ministrja e Financave Jelka Milicevic u shpall e pafajshme.

Akuzat kundër Novalic, Solak dhe Hodzic përfshinin komplot për të kryer krime të ndryshme në lidhje me keqpërdorimin e pushtetit, marrjen e shpërblimeve ose përfitime të tjera për shitjen e ndikimit, pastrim parash, falsifikim ose shkatërrim të dokumenteve të biznesit ose tregtisë, falsifikimin e dokumenteve zyrtare, shkeljen e detyrimeve për të mbajtur biznes ose të dhënat e tregtisë dhe përgatitjen e raporteve financiare dhe falsifikimin ose shkatërrimin e tyre, raporton Balkan Insight.

Më 23 shkurt 2021, gjykata e lartë e Bosnjës filloi gjyqin për prokurimin e 100 respiratorëve që kushtojnë 5.4 milionë euro nga Kina për sistemin e kujdesit shëndetësor të entitetit.

Blerja u bë në prill 2020, një ditë pas shpalljes së gjendjes së jashtëzakonshme për shkak të pandemisë COVID-19.

/rtsh.al/