Presidentja e Greqisë përfundon vizitën 3-ditore në Serbi

Rajon | 4 vite më parë

Presidentja e Greqisë, Katerina Sakelaropoulou, përfundon vizitën zyrtare 3-ditore në Serbi. Ajo është përcjellë këtë të mërkurë (29 mars) në aeroport nga zëvendëskryeministri i parë dhe ministri i Punëve të Jashtme, Ivica Daçiç.

Gjatë vizitës së saj, Sakelaropoulo është takuar me zyrtarët e lartë serbë, ndërsa ditën e djeshme (28 mars) është pritur nga Presidenti serb, Aleksandër Vuçiç. Ky i fundit ka deklaruar se Serbia e sheh Greqinë si një mik të vërtetë dhe të sinqertë dhe se mund të ndërmerren shumë hapa të tjerë në të gjitha fushat e bashkëpunimit dhe shkëmbimit tregtar.

Po ashtu, presidenti Vuçiç tha se Serbia dhe Greqia konfirmuan përkushtimin dhe mbështetjen e tyre ndaj parimeve të rezolutave të OKB-së dhe integritetit territorial.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.