Në qytetin e Barit, Itali, të dielën u zhvillua edicioni i dytë i maratonës së qytetit që promovon bashkëpunimin mes vendeve mesdhetare.

“Bari ishte plot ngjyra me gati 2 mijë vrapues që zhvilluan garën e parë pa plastikë në Itali” shkruajnë mediat italiane.

Mes 2000 mijë vrapuesve ishte edhe Erion Veliaj, kryebashkiaku i Tiranës. Ai ishte ftuar nga Antonio Decaro, kryebashkiaku i Barit. “Edhe unë po i rikthehem kandidimit pas disa muajsh pauze dhe për këtë rast kam zgjedhur një trajner personal të jashtëzakonshëm: kryebashkiakun e Tiranës” citojnë mediat italiane të ketë thënë me humor zotin Decaro.

Nga ana e tij zoti Veliaj shkruan se Maratona e Mesdheut në Bari këtë vit i dedikohej vëllazërisë me Shqipërinë, vit kur Tirana është Qyteti Europian i Sportit. “Mirënjohje kryetarit Antonio Decaro, progresist, modernizues dhe një mik i shkëlqyer i shqiptarëve! Do ta mikpresim në Tiranë pas pak javësh, por nuk do ta lodhim me një maratonë tjetër!” shkruan zoti Veliaj në rrjetet sociale.

/ rtsh.al /