Kryeministri maqedonas Zoran Zaev, ka qenë tejet e i ashpër, në lidhje me bllokadën e Bullgarisë sa i përket negociatave me BE-së, duke penalizuar jo vetëm Maqedoninë e Veriut, por edhe Shqipërinë. “Nuk është lojë e ndershme”, ka deklaruar Zaev në konferencën e përbashkët të dhënë në Shkup së bashku me kryeministrin shqiptar, Edi Rama.

“Një dëshpërim të madh për dy vendet, por mbi të gjitha një mossukses tyë politikës së Bashkimit Evropian”- e quajti Zoran  Zaev, bllokimin nga Bullgaria të ecurinë se integrimit Evropian të Maqedonisë së Veriut dhe Shqipërisë.

“Kur Evropa të jetë gati ne jemi  gati. Vendimi është shumë i pandershëm për të dyja vendet, por mbi të gjitha është shumë i pandershëm për Shqipërinë”, tha Zaev. Kryeministri i vendit fqinj ka qenë më i ashpër në qëndrimet e tij, në krahasim me Ramën, duke theksuar se më këtë qëndrim të BE-së, alarmi është ndezuar dhe se janë vënë në pikëpyetje vlerat e Unionit.

“Ne nuk jemi vetëm dhe nuk jemi të izoluar. Ne dhe populli shqiptar kemi përpara rrugën e njëjtë drejt BE-së dhe ne nuk jemi vetëm, ndajmë politikën evropiane. Në këtë rrugë së bashku me ne janë edhe Serbia, Mali i Zi, Kosova dhe Bosnja”, deklaroi Zaev.