Nga qershori në tetor, 400 objekte e monumente të trashëgimisë në qarkun e Vlorës do të qëndrojnë të hapura në 7 ditët e javës nga ora 9:00 deri në 19:00, përfshirë këtu edhe ditët e fundjavës

Masa është marrë në fuksion të turizmit dhe rritjen e mundësive për vizitorët për sa më shumë vendalime dhe njohje me historinë, kulturën dhe arkitekturën në vend.

Drejtori i drejtorisë Rajonale të Kulturës Kombëtare Vlorë, Orges Feimi thotë se pritshmëtitë flasin për një rritje nga 30-40 përqind të numrit të vizitorëve.

“Shikueshmëria për këtë vit është që të kemi një rritje me 40 përqind krahasuar me vitin e kaluar duke u kthyer në një sfidë akoma më shumë për ne”, u shpreh Feimi.  

Porto Palermo dhe manastiri i 40 martirëve në Sarandë mbeten ndër më të preferuarit e turistëve, ndërsa nuk mbeten pas Kalaja e Kaninës dhe muzetë  e Qarkut.  

/rtsh/