Fluks në urgjencën e Elbasanit – 200 vizita në ditë, kryesisht të prekur me viroza stinore

Sociale | 3 vite më parë

Urgjenca e spitalit rajonal të Elbasanit është duke u përballur me fluks të shtuar gjatë këtyre ditëve të para të 2024-ës.

Shefi i shërbimit të urgjencës thotë se gjatë 24 orëve numri i pacientëve që marrin shërbim shkon deri në 200 persona. Të sëmurët janë kryesisht të prekur nga virozat stinore.

Mjeku thotë se jo të gjithë ata që paraqiten në urgjencë kanë nevojë për shërbim të specializuar, ndaj këshillon që për simptoma të lehta të konsultohen fillimisht me mjekun e familjes.

Kjo javë pritet të jetë me temperatura shumë të ulëta ndaj mjeku apelon për kujdes të shtuar. Veç virozave të stinës në qarkullim është edhe Covid-19, por në Elbasan rastet janë të izoluara dhe në numër të ulët.

/RTSH/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.