Edhe në këtë mbyllje të sezonit turistik zona muzeale e Gjuhadolit ndonëse mbajti peshën më të madhe të gjallërisë veçanërisht gjatë orëve të mbrëmjes nuk mori vëmendjen e institucioneve sa i takon ndërhyrjes në ndërtesat që po shkatërrohen. Banorët thonë se rreziku është i vazhdueshëm për kalimtarët.

”Shteti është marrë dikur por tani spo merret kush. Me kalu dikush, ndonjë këmbësor me i ra një copë çatie apo një copë betoni” thotë një qytetar.

Ironia vijon me turistët të cilët thonë Shkodranët shohin mbeturina dhe shkatërrim në një vend turistik, e këto i memorizojnë në fotografi.

”Absolutisht normale nuk eshte por don zoti kryetari i bashkisë qe ka ardhur tani presim shume prej tij”, thotë një qytetar tjetër.

Monumentet e kulturës dhe pse janë  pasqyrimi i historisë mijëravjeçare të një populli dhe mjaft tërheqës për turistët e huaj, disa prej tyre në metropolin verior ende vazhdojnë të jenë në rrezik. As projektet e fituara e as slogan i një viti me pare ku vete ministrja e kulturës tha se do të jetë viti i rrjetëzimit duket se ende nuk kanë mbërritur ne Gjuhadol.

Gazetare: M. Gjoni

/RTSH/