E nisi në moshë të re dhe prej 50-vitesh nuk i është ndarë profesionit të hekurpunuesit. Nikoll Pashuku nga fshati Shënkoll i Lezhës është një ndër personat më të vjetër të këtij zanati. Këtë e dëshmojnë dhe veglat  që përdor.

Pasioni dhe nevoja për të siguruar të ardhura për familjen e detyruan t’i përkushtohet këtij profesioni të cilin e nisi në Puke e për më shumë se 15-vite punon si saldator në minierat e kësaj zone, por pa lënë pas dhe punë të tjera mekanike.

Pavarësisht pensionit të parakohshëm, 63-vjeçari nuk është ndarë nga ky zanat. E gjejmë duke punuar në punishten e tij të vogël pranë shtëpisë, ku me hekur prodhon edhe art.

Është një profesion i vështirë të cilin po ja trashëgon edhe djalit, ndërsa nuk do ta lërë për sa të ketë jetë siç thotë dhe ai vetë.

Rasti i këtij 63-vjeçari në Lezhë është shembulli më pozitiv i njeriut punëtor, e që po ruan e përçon tek brezat një prej zanave më të vjetra atë të hekurpunuesi.

Gazetare: Megi Mëhilli

/rtsh.al/