Besimtarët myslimanë shqiptarë ju bashkuan besimtarëve myslymanë në mbarë botën për të kremtuar Kurban Bajramin. 
Në sheshin “Skënderbej” në Tiranë dhe qytete të tjera të vendit besimtarët myslimanë falën Namazin e Bajramit.
Nën drejtimin e kreut të KMSH, Bujar Spahiut, besimtarët myslimanë janë lutur për më shumë shëndet, mirësi e mirëqenie. 
Kurban Bajrami njihet ndryshe si “Festa e Flijimit” dhe është një nga dy festat islame më të rëndësishme të cilën e kremtojnë myslimanët në mbarë botën, pas Fitër Bajramit. Pas lutjeve në Shqipëri në ditët e Kurban Bajramit, besimtarët vishen me rrobat më të mira dhe vizitojnë njëri-tjetrin duke uruar për mbarësi e lumturi.
Kurban Bajrami është një rast i mirë që shqiptarët të ndarë në tre besime fetare, të tregojnë dashurine dhe respektin për njeri tjetrin, një virtyt ky i vlerësuar ndërkombëtarisht.