Për vitin 2021 në qytetin e Përmetit është rritur ndjeshëm interesi i të rinjve për ndjekjen e kurseve profesionale. Gjatë këtij 3 mujori pranë qëndrës së formimit profesional janë regjistruar rreth 40 persona të cilët vijojnë të vazhdojnë kurset si guzhinë, elektricist ,mekanik dhe parukeri. Anxhela Thanasica specialiste e shërbimeve në zyrën vendore të punësimit Përmet, i bën thirrje të gjithë të rinjve dhe personave që dëshirojnë të kënë një profesion të regjistrohen për ti ndjekur këto kurse, për të qënë më të përgatitur për tregun e punës . 

Sipas Anxhela Thanasices po bashkëpunohet me bizneset tradicionale për trajnimin në këto lloj zanatesh të personave të papunë, dhe më pas punësimin e tyre.

Kurset  profesionale që zhvillohen nga kjo qëndër vazhdojnë të ndiqen me interes nga punëkëkrues të ndryshëm kryesisht moshat e reja, ndërsa ju vijnë në ndihmë për gjetjen e një vendi pune. Ndërsa pjesa më e madhe e të çertifikuarve në këto kurse kanë aritur të punësohen.