Fshati Gjat,në njësinë administrative Lunxhëri i vendosur 12 km nga qyteti i Gjirokastrës prej vitesh vuante nga infrastuktura rrugore.Gjatë vitit të kaluar janë bërë ndërhyrje nga ana e Bashkise Gjirokastër në rrugët e brendshme të kësaj zone rurale gjë qe ka lehtësuar banorët.Keshtu kanë pohuar ata të fundit për RTSH GJIROKASTRA duke cituar se ishte investimi i parë  pas shumë vitesh në këtë fshat,por nuk janë ndalur aty.Banorët janë shprehur lidhur me segmentin me një gjatesi prej 1 km i cili lidh Gjatin me fshatin fqinj Erindin.Ky aks rural prej vitesh është i amortizuar dhe gjatë periudhës së reshjeve me intensitet të lartë pëson shkarje masive të dheut duke rrezikuar dhe jetën dhe shpresojnë per nderhyrje emergjente mbi këtë segment rrugor.

“Ka mbi 35 vjet që nuk është vënë dorë mbi xhaden e fshatit.Në vitin 2019 i kemi bërë kërkesë bashkisë dhe erdhë,hodhën beton në rrugët brenda fshatit.Rruga që lidh me Erindin gjithmonë pëson shkarje kjo ka ndodhur shumë herë dhe vinte komuna për të ndërhyrë mbi të.Përpara se të ndërhyhej ka qënë gjendja skandaloze”

Kjo zonë rurale me rreth 25 familje e përjeton këtë fenomen prej vitesh por pavarësisht kësaj infrastruktura është prioritet për organet përkatëse.