Premier Liga mbyll vitin me surprizë të hidhur

Angli | 3 vite më parë

Arsenali bëri hapin e dytë fals radhazi në Premier duke humbur derbin e Londrës me Fulhemin. Në “Craven Cottage” festojnë “vendasit”, të cilët mundën “Topçinjtë” me shifrat 2-1.

Bukayo Saka zhbllokoi takimin në minutën e pestë, por vendasit përmbysën gjithçka falë golave të Raul Jimenez (29’) dhe Bobby De Cordova-Reid (60’). Pavarësisht insistimit, Arsenali nuk ia doli të gjente golin e barazimit, duke e mbyllur vitin në mënyrën më të keqe të mundshme.

Për Fulhamin fitorja ishte njëra prej atyre, të cilat nuk harrohen lehtë pasi jo vetëm erdhi përballë një rivaleje të qytetit, por u arrit në një moment delikat të sezonit. Sa i përket djemve të Artetës mbetën në kuotën e 40 pikëve. Dy më pak se Liverpooli dhe Aston Villa.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.