“Ishte një garë e vështirë, ne e dinim që Max ishte fantastik gjatë gjithë fundjavës dhe unë duhej të bëja diçka të veçantë. Ne vuajtëm, në fund luftuam për të fituar, ishte një nga garat më të vështira kohët e fundit. Unë duhet të falënderoj çdo anëtar të ekipit për përpjekjen e bërë. Jam i kënaqur me duelin e zhvilluar me Max. Sot kemi pasur kohën e duhur, edhe ai po bën mirë dhe ne do të duhet të japim gjithçka për ta mbajtur mbrapa,  kemi bërë një punë të shkëlqyer”. Këto janë emocionet e fituesit të Grand Prix të Bahreinit, Leëis Hamilton, i aftë për të mposhtur Red Bull të Max Verstappen në cirkuitin e Sakhir, në një finale që të lë pa frymë.

Fjalët e Bottas – Piloti tjetër i Mercedes, Valtteri Bottas, është shumë më i zhgënjyer. Finlandezi është i treti, por shpresonte të luftonte për fitoren me Leëis dhe Max: “Gara ishte zhgënjyese – konfirmon ai -. Pozitive që kam shënuar shumë pikë për ekipin, por jo për mua sepse unë mbrojta veten në vend që të sulmoja. Pastaj pit stopi hoqi çdo mundësi. Sot jam i zhgënjyer. Ne arritëm me të dy makinat të kishim një zgjedhje të gjerë strategjike, por nga ana ime mund të bëhej më shumë”.