Novak Djokoviç aktualisht numri një në renditjen ATP, kryeson edhe renditjen speciale të përfitimeve financiare të vitit 2023 në tenis, për të dytin vit radhazi. Serbi e mbylli sezonin duke triumfuar në tre Grand Slam dhe me titullin e shtatë në Nitto ATP Finals, duke grumbulluar shumën monstruoze prej 15,952,044 dollarësh vetëm nga trofetë, ndërsa shuma e përgjithshme shkoi deri në 180,643,353 dollarë.

Ndër emrat e mëdhenj, pas Xhokoviçit është edhe Carlos Alcaraz: kampion në Wimbledon dhe numri 2 në botë në fund të sezonit. Spanjolli është i dyti në renditjen e fitimeve sezonale me 10,753,431 dollarë. Në këtë renditje, vendin e tretë e mban rusin Daniil Medvedev ndërsa Jannik Sinner, i freskët nga suksesi i tij në Kupën Davis me Italinë, zë vendin e katërt. Rreth 111 tenistë, 60 djem dhe 42 vajza, tejkaluan pragun e përfitimit prej një milion dollarësh me çmimet e fituara gjatë sezonit 2023.

Por Novak Xhokoviç ka thyer rekord pas rekordesh. Këtë radhë nuk është një triumf në një turne Grand Slam, por një veçori kurioze. Kampioni serb 36-vjeçar ka hyrë në Librin e Rekordeve Guinness për raketën e tij, e njëjta që e çoi në katër triumfet e paharrueshme në karrierën e tij, Wimbledon dhe US Open 2015, Australian Open dhe Roland Garros 2016, e cila u shit për një shumë të pabesueshme. E vënë në ankand, trashëgimia e serbit u ble me një çmim monstruoz: 107,482 dollarë.