Korabi mund Elbasanin, Flamurtari e Apolonia ndahen në paqe

Futboll Vendi | 3 vite më parë

Kategoria e Parë ka zbritur sot në fushën e lojës me katër ndeshje të vlefshme për javën e 6-të. Korabi ka arritur të mposhtë në shtëpi Elbasanin e vendit të dytë me rezultatin 2-1. Mziu zhbllokoi sfidën pas gjysmë ore lojë, ndërsa Paplekaj dyfishoi në fundin e pjesës së parë. Elbasanasit ngushtuan diferencën në minutën e 57-të, K.Kasa ekzekutoi një goditje këndi, e cila çuditërisht përfundoi në rrjetë pas një rrëmuje në zonën e dibranëve.

Me këtë fitore dibranët ngjiten në vendin e shtatë në kuotën e 8 pikëve, ndërsa Elbasani mbetet në 13 pikë në vendin e dytë.

Sfida mes Apolonisë dhe Flamurtarit është mbyllur në barazim 0-0, ndërsa Burreli ka arritur të mposhtë Besën me rezultatin 4-1. Vora ka arritur të triumfojë në transfertë përballë Luzit me rezultatin 1-0.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.