Bylisi tregon forcën me Flamurtarin, fitojnë dhe Apolonia, Besa

Futboll Vendi | 3 vite më parë

Kategoria e Parë ka zbritur sot në fushën e lojës me pesë ndeshje të javës së dytë. Bylis ka treguar se është një pretendente për ngjitjen në Superiore duke marrë një fitore 1-0 në transfertë përballë Flamurtarit. Formacioni i drejtuar nga Arjan Bellai ka rrëmbyer tri pikët falë golit të shënuar nga Emini në pjesën e dytë. Vlonjatët e Emiljano Çelës, ashtu si në javën e parë me Luzin, edhe njëherë kanë treguar se kanë problem në finalizim.

Në ndeshjet e tjera, Apolonia ka arritur të mundë Korabin 1-0 në ndeshjen e luajtur në Peshkopi. Po 1-0 është dhe fitorja e Tomorit në shtëpi përballë Luzit. Festival golash në sfidën mes Besës dhe Lushnjës, me skuadrën kavajase që ka arritur të fitojë me rezultatin 4-3. Ndërkohë, sfida mes Burrelit dhe Kastriotit është mbyllur në barazim 0-0.

Rezultatet:

Renditja

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.