Dinamo ka zhgënjyer për herë të parë në këtë sezon, duke humbur në shtëpi, 1-2 përballë Erzenit, aq më tepër që kjo ishte dhe ndeshja e parë për trajnerin italian, Moriero. Në sfidën e transmetuar nga RTSH Sport, të dyja skuadrat kanë treguar një ritëm të lartë lojë, duke krijuar shumë raste në portat respective. Në fund janë shijakasit që u gëzohen tri pikëve, ndërsa blutë e kryeqytetit lëshojnë shumë terren ndaj rivaleve, pavarësisht se vazhdojnë të mbeten në vendin e parë në Grupin A.

Pjesa e parë është mbyllur me rrjeta të paprekura, pavarësisht rasteve të krijuara. Ndërkohë, në pjesën e dytë ishin shijakasit që arritën të zhbllokojnë rezultatin në minutën e 54-ët me Himën. Në minutën e 84-ët, Hyska ka dyfishuar shifrat për Erzenin me një goditje dënimi të ekzekutuar në mënyrën e duhur. Në minutën e 89-të Pere ngushtoi diferencat në 1-2, por pa arritur të shmangë humbjen e dinamovitëve.

Me këtë fitore, Erzeni i largohet vendit të fundit dhe ngjitet në kuotën e 8 pikëve, ndërsa Dinamo vazhdon të mbajë vendin e parë në Grupin A, por ndjekësi më I afërt, Burreli është vetëm një pikë larg.

KATEGORIA E PARË

Grupi A

Rezultatet:

Vora-Besëlidhja 2-1

Golat: Keqa 11′ , Sadiku 22′ / Milanoviç 49′

Veleçiku-Burreli 0-4

Golat: Rraboshta 21, Juta 36′, Toma 53′, Stana 84′

Oriku-Korabi 1-0

Golat: Çaushaj 66′

Sot

Dinamo-Erzeni 1-2

Golat: Pere 89’/ Hima 52′, Hyska 84′

Renditja

Grupi B

Rezultatet:

Egnatia-Elbasani 3-0

Golat: Elezi 58 (a.g.), Gashi 66′. Krasniqi 76′

Turbina-Flamurtari 1-0

Golat:  Daci 45′

Renditja