Nga vendimi për të qëndruar te Real Madrid duket se ka përfituar veçanërisht Brahim Diaz, i cili ka shënuar tetë gola në katërmbëdhjetë ndeshje të luajtura për Los Blancos. Një trend që u theksua nga Ruud Gullit i cili foli për futbollistin spanjoll gjatë një interviste për As: “Si tifoz I Milanit nëse më mungon Brahimi? Shikoni, nëse ai do të kishte luajtur ashtu siç luan tani kur ishte me ne… (qesh) Sepse nuk ka qenë gjithmonë kështu – saktëson Gullit – Mendoj se mori një vendim të mirë, e pashë të luante dhe e bën shumë, shumë mirë. Stili është i ndryshëm, ishte mirë për të për t’u kthyer në Madrid”.

“ Ai ka bërë një hap, e pashë të bënte gjëra që nuk i pashë t’i bënte kur ishte te Milani. Ndoshta ishte vetëm kjo, gjetja e ekipit dhe konkurrencës së duhur për të”. Gullit gjithashtu u fokusua tek Kylian Mbappè, i cili po afrohet gjithnjë e më shumë me Real Madridin: “Po flasim për klubin më të madh në botë. Nëse Madridi ju thërret, pothuajse gjithmonë thoni po, nuk thoni jo. E kuptoj që Real Madridi dëshiron për të pasur lojtarin më të mirë, madje në të kaluarën ata zgjodhën Cristiano dhe lojtarë të tjerë të këtij lloji”.