Eden Hazard thuhet se ka vendosur të shohë kontratën e tij me Real Madridin, e cila skadon në vitin 2024. Ish-ylli i Chelsea-t ka duruar një periudhë të zymtë me gjigantët spanjollë që nga transferimi i tij në vitin 2019 për një tarifë që rritej deri në 150 milionë paund.

Pasi ka shkëlqyer gjatë një periudhe shtatë vjeçare në “Stamford Bridge” ka shënuar vetëm shtatë gola për Los Blancos dhe rregullisht ka luftuar për të patur një formë të mirë. Ka pasur spekulime të rëndësishme për të ardhmen e tij. Hazard ka luajtur vetëm 296 minuta në të gjitha takimet këtë sezon, duke kontribuar me një gol dhe asistim.

Sipas The Athletic, pavarësisht se e ardhmja e tij e lojës në klub është e pasigurt, belgu do të qëndrojë me Real Madridin deri në fund të marrëveshjes së tij që zgjat në qershor 2024. Pas takimit me stafin e tij në Madrid muajin e kaluar për të diskutuar të ardhmen e tij, Hazard dhe ekipi i tij arritën një marrëveshje dhe kanë vendosur që ai dëshiron të qëndrojë me Los Blancos për një sërë arsyesh profesionale dhe personale.

Sulmuesi nënshkroi një marrëveshje pesëvjeçare kur arriti si nënshkrimi rekord i klubit në vitin 2019. Ai është gjithashtu lojtari i tyre më i paguar dhe duke pasur parasysh formën e tij të fundit, nuk ka gjasa që Hazard të ketë paga të ngjashme diku tjetër. Ka edhe arsye personale që 32-vjeçari dëshiron të qëndrojë në Real Madrid, me familjen e tij të vendosur mirë në kryeqytetin spanjoll Leo- një nga djemtë e tij- madje muajin e kaluar iu bashkua akademisë së të rinjve të Realit. 

Ndërsa tarifa fillestare e transferimit për Hazard ishte 88.3 milionë paund, me shtesa që mund të rriteshin deri në 150 milionë paund, raporti gjithashtu deklaroi se megjithëse jo të gjitha këto janë arritur, kostoja për belgun tani ka tejkaluar rekordin e mëparshëm të klubit prej 90 milionë paund tarifa që Real pagoi për Gareth Bejll në 2013.

Një burim i afërt me lojtarin thuhet se tha thjesht ‘jo’ kur u pyet nëse kishte ndonjë skenar në të cilin Hazard do të largohej këtë verë. Hazard nuk ka marrë ndonjë interes formal apo ofertë nga klube të tjera dhe e vetmja pengesë e mundshme për të qëndruar do të ishte marrëdhënia e tij me klubin. Los Blancos janë përpjekur të lëvizin Hazard gjatë viteve të fundit për shkak të ndikimit të tij të kufizuar – diçka që e ka mërzitur belgun. I.Z.