Real Madrid shfrytëzoi në maksimum humbjen e papritur të Atletico Madrid ndaj Levante për të mbyllur hendekun në krye të La Liga në vetëm tre pikë me një fitore 1-0 ndaj Real Valladolid.

Mariano Diaz kishte mundësinë ta niste që nga minuta e parë, me Karim Benzema të mënjanuar nga dëmtimi, ndërkohë që Real Madrid u përpoq për të arritur avantazhin gjatë gjithë ndeshjes.

Ish-mbrojtësi i Manchester United, Saidy Janko kishte mundwësinë më të mirë për të zhbllokuar rezultatin në favor të vendasve në pjesën e parë, por Thibaut Courtois bën heroin. Ndërkohë që pozicioni jashtë loje i prish festën Marianos në dy raste.

Courtois u thirr përsëri në aksion për të shpëtuar skuadrën e tij, Fabian Orellana nuk mundi ta mposhtë numrin një të Real Madridit. Goli i vetëm i kësaj sfide erdhi pas 65 minutash, me protagonist Casemiro.

Pasi kishte hedhur poshtë dy mundësi të mira, braziliani nuk mund të humbiste një të tretë, 1-0 për Realin. Fitorja për ekipin e Zinedine Zidane i jep jetë të re garës për titull në La Liga, me ndalesën e Atletico Madrid, që hap mundësinë për Barcelonën dhe Real Madrid, për të hapur një sfidë të vonë.