Euro U-17 në RTSH/ Sot ndeshjet e fundit të Grupit A
Në Europianin e moshave deri në 17 vjeç, kompeticion që po mbahet në Shqipëri, nis sot faza më decizive. Në Grupin A luhen sot në të njëtën orë (20:30) dy takimet, të cilat do të vijnë për publikun shqiptar në ekranin e RTSH.
Në “Elbasan Arena” Shqipëria e Tedeskos do të luajë ndeshjen e tretë përballë Francës. Në dy takimet e para kuqezinjtë kanë pësuar dy humbje me shifrat 4-0 përballë Portugalisë dhe Gjermanisë dhe sot luajnë sa për statistika pasi i kanë dhënë lamtumirën turneut.
Ndërsa në “Arenën Kombëtare”, Portugalia ndeshet me Gjermaninë me dy nga tre rezultatet në favorin e saj. Siç dihet ekipi luzitan kryeson Grupin A me katër pikë ndërsa Gjermania mban vendin e tretë me 3 pikë.
Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.
Të ngjashme
Të fundit
