MotoGP/ Marco Bezzecchi fiton garën e parë të sezonit, dominon Çmimin e Madh të Tajlandës
Marco Bezzecchi fiton garën e parë të vitit në MotoGP, duke dominuar Çmimin e Madh të Tajlandës nga kthesa e parë deri tek e fundit.
Duke u nisur në krye sapo dritat u fikën, piloti i Aprilias fitoi terren ndaj rivalëve të tij që nga xhiroja e parë nga njëzet e gjashtë dhe siguroi një fitore që ishte njëkohësisht e parashikueshme dhe e jashtëzakonshme (fitorja e tretë radhazi e Marcos), duke e vendosur menjëherë atë midis pretendentëve për titull.
Acosta (KTM, fitues i Sprintit dhe kryesues i Kampionatit Botëror) dhe Raul Fernandez (Aprilia Trackhouse) iu bashkuan Bezzecchit në podium.
Pedro Acosta kryeson kampionatin me 32 pikë, të grumbulluara pas fitores në Sprint dhe vendin e dytë në podiumin e së dielës. Marco Bezzecchi është në vendin e dytë me 25 pikë, ndërsa Raul Fernandez (dy herë i treti të shtunën dhe të dielën) mbetet i treti në renditje me 23 pikë, vetëm dy pikë pas vetë Bezzecchit.
Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.
Të ngjashme
Të fundit
