Ish-anëtari i Dhomës së Përfaqësuesve të SHBA-së, Eliot Engel dhe një nga figurat më të njohura të politikës amerikane në Kongres është ndarë nga jeta në moshën 79-vjeçare.

Eliot Lance Engel, mbetet një nga figurat më të rëndësishme dhe më besnike të Kongresit amerikan ndaj komunitetit shqiptar dhe çështjes së Kosovës.

Për më shumë se tre dekada (1989–2021), ai u konsiderua si “zëri më i fortë” i shqiptarëve në Kapitol Hill, duke luajtur një rol kyç në mbështetjen e pavarësisë së Kosovës, luftën kundër spastrimit etnik dhe forcimin e lidhjeve midis SHBA-së dhe shqiptarëve.

Ai u lind më 18 shkurt 1947 në Bronx të Nju Jorkut, nga një familje me origjinë hebreje (babai punëtor hekuri, nëna amvisë), Engel u rrit në banesa publike dhe studioi në shkolla publike të qytetit.

Ai u diplomua në histori në Hunter-Lehman College (1969), mori master në këshillim në Lehman College (1973) dhe diplomën në drejtësi nga Neë York Laë School (1987). Para se të hynte në politikë, punoi si mësues dhe këshilltar në shkolla të Bronx-it, ku filloi të njihej me komunitetin e madh shqiptaro-amerikan.

Engel hyri në Kongres në janar 1989 si përfaqësues i distriktit të 19-të të Nju Jorkut (më vonë distrikti 17-të dhe 16-të). Ai shërbeu si Kryetar i Komitetit të Çështjeve të Jashtme të Dhomës së Përfaqësuesve (2019–2021) dhe themeloi ose bashkëdrejtori Caucus-in Kongresional për Çështjet Shqiptare.

Interesi i tij për çështjen shqiptare filloi në fillim të viteve ’90, kur komuniteti shqiptar i Bronx-it – një nga më të mëdhenjtë në SHBA – e kontaktuan për herë të parë.Roli historik në mbështetjen e Kosovës.

Që në vitet 1996–1999, Engel u bë lideri kryesor në Kongres për të mbajtur gjallë çështjen e Kosovës.

TheWashington Post e quajti atë “udhëheqësin e grupit të vogël të kongresmenëve që mbajti gjallë kauzën e Kosovës në Uashington”.

Ai luftoi me vendosmëri kundër spastrimit etnik të kryer nga regjimi i Sllobodan Millosheviqit gjatë Luftës së Kosovës (1999) dhe ishte ndër të parët që i kërkoi administratës Clinton të ndërhynte ushtarakisht.

Pas luftës, Engel mbështeti fuqimisht Deklaratën e Pavarësisë së Kosovës më 17 shkurt 2008. Ai ishte deputeti i parë i huaj që foli në Kuvendin e Kosovës dhe vizitoi vazhdimisht Shqipërinë e Kosovën. Në Pejë (Pejë) një rrugë mban emrin e tij, ndërsa Qeveria e Kosovës i kushtoi një pullë postare me portretin e tij si nderim.

Engel ishte gjithashtu “kampion i drejtësisë” për vëllezërit Bytyçi – tre shqiptaro-amerikanë që luftuan për UÇK-në dhe u ekzekutuan nga policia serbe në 1999.

Ai vazhdoi të kërkonte llogari për këtë krim edhe pas daljes nga Kongresi.Falënderimet nga shqiptarët.

Komuniteti shqiptar në SHBA dhe në Ballkan e ka quajtur vazhdimisht “mik i madh” dhe “mbrojtës i pathyeshëm”. Në janar 2021, Kryetari i Kuvendit të Shqipërisë, Gramoz Ruçi, i dërgoi një letër falënderimi duke e përshkruar si “mbrojtës të pakrahasueshëm të çështjeve të shqiptarëve të Shqipërisë e Kosovës për më shumë se tre dekada”.

Në vitin 2020, kur humbi zgjedhjet paraprake kundër Jamaal Boëman-it, media shqiptare e cilësuan si “humbje të madhe për shqiptarët”.

Megjithatë, trashëgimia e tij mbetet e gjallë: ai vazhdon të konsiderohet hero në Kosovë, ku prania e tij shkaktonte entuziazëm masiv.

Pas daljes nga Kongresi në janar 2021, Eliot Engel ruajti një profil të ulët publik, por lidhjet e tij me komunitetin shqiptaro-amerikan do të mbeten të forta në kujtesën e gjithsecilit.

/rtsh.al/