Zhvillimet në frontin e luftës në Liban kanë marrë një kthesë të papritur pas një bisede telefonike mes Presidentit amerikan Donald Trump dhe Presidentit libanez Joseph Aoun.

Trump njoftoi se Izraeli dhe Libani ranë dakord për një armëpushim 10-ditor, që do të fillojë të enjten në orën 17:00 sipas orës ET.

Në një atmosferë pozitive, Trump njoftoi se një armëpushim dhjetëditor do të nisë të martën.

Në një postim në rrjetin social Truth, Trump shkroi se “Sapo pata bisedime të shkëlqyera me Presidentin shumë të respektuar të Libanit, Joseph Aoun, dhe Kryeministren e Izraelit, Bibi Netanyahu. Të dy udhëheqësit ranë dakord që, për të arritur paqen midis vendeve të tyre, ata do të fillojnë zyrtarisht një armëpushim dhjetëditor në orën 5 pasdite (Ora Lindore). … Ka qenë nderi im të zgjidh 9 luftëra në të gjithë botën, dhe kjo do të jetë e 10-ta, kështu që le ta bëjmë!”

Presidenca e Libanit konfirmoi telefonatën mes Aoun dhe Trump, duke theksuar se Presidenti libanez falënderoi Trump për përpjekjet e tij dhe se kreu i Shtëpisë së Bardhë u zotua të përmbushë kërkesën e Libanit për një armëpushim sa më shpejt të jetë e mundur.

Një zyrtar izraelit i mbrojtjes deklaroi për Axios se armëpushimi mund të shpallet që të enjten në mbrëmje.

 “Jemi në një udhëkryq. Asgjë nuk është përfundimtare, por mund të ndodhë sot.”

Ky zhvillim shënon herën e parë që udhëheqësit e Libanit dhe SHBA-së kanë pasur kontakt të drejtpërdrejtë në kontekstin e një armëpushimi të mundshëm, duke ringjallur shpresat për një zgjidhje të përkohshme të konfliktit.

/rtsh.al/