BE: Keqardhje që Serbia s’ka marrë hapa ndaj përgjegjësve të Banjskës

Kosovë | 5 muaj më parë

Bashkimi Evropian ka shprehur keqardhje që Serbia ende nuk ka ndërmarrë hapat e nevojshëm për t’i sjellë para drejtësisë përgjegjësit për sulmet në veri të Kosovës në vitin 2023, pas vendimit të fundit për rastin e Banjskës.

Një zëdhënës i Komisionit Evropian e bëri këtë deklaratë duke komentuar vendimin e së premtes të Gjykatës Themelore në Prishtinë, me të cilin tre serbë u shpallën fajtorë për sulmin në Banjskë.

Sipas vendimit të gjykatës, me burgim të përjetshëm janë dënuar Vlladimir Toliq dhe Bllagoje Spasojeviq, ndërsa Dushan Maksimoviq është dënuar me 30 vjet burgim.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.